A Biblioteca da EPA Berbés é un acolledor espazo onde o alumnado pode satisfacer a súa curiosidade lectora, estudar individualmente ou en grupo, dar renda a súa creatividade e/ou participar en calquera das actividades que dende o centro se ofertan. Para realizar estas tarefas, conta con mobiliario modular e versátil para adaptar o espazo ás necesidades de cada momento. Conta tamén con proxector e pantalla, 4 ordenadores portátiles nas mesas do alumnado, un equipo de gravación de vídeo, sección propia na páxina web do centro e preto de 6000 volumes bibliográficos en diferentes idiomas, dada a procedencia variada do noso alumnado. Entre os servizos e actividades que se ofrecen subliñamos ás seguintes:
- Servizo de Préstamo
- Equipo de Biblioteca aberto a todo aquel que desexe colaborar
- Club de Lectura
- Cinefórum
- Grupo de Teatro
- Participación en actividades de días sinalados no calendario escolar.
- Traballo por proxectos
